Decembro 2020

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento

Gañadores de Galiciencia 2020

Esta 15ª edición de Galiciencia, a maior feira científica que se celebra na nosa comunidade e que busca achegar a ciencia aos máis novos, celebrouse por primeira vez de xeito online debido á actual situación sanitaria. Esta circunstancia favoreceu a participación de máis de 4.000 estudantes de Primaria, Secundaria, FP e Bacharelato de toda España. E tamén se incrementou o número de equipos participantes na feira a través da presentación de proxectos innovadores, que superaron o centenar de propostas.

A empresa Primux, situada en Tecnópole, crea unha nova liña de produción que lle permite fabricar máis de 400 equipos informáticos diarios co distintivo “Made in Spain”

Primux é unha empresa tecnolóxica galega centrada no desenvolvemento de ordenadores, portátiles, tablets, smartphones, cámaras e accesorios informáticos diversos. Con sede no Parque Tecnolóxico de Galicia -Tecnópole-, acaba de poñer en marcha unha liña de produción de última xeración no Polígono de San Cibrao -Ourense-.

Novos horizontes para a madeira galega

No corazón dos montes galegos medra un dos materiais máis prezados do mundo. A madeira pode converterse no equivalente patrio do petróleo. Porque este material é un dos máis interesantes para a industria. Das distintas árbores que conforman a flora galega pódense obter madeiras con características do máis dispar e que, por iso, poden ser destinados a satisfacer toda clase de necesidades que poidan xurdir na sociedade. Desde mobles, até embalaxes pasando mesmo polo sector da construción.

Galicia impulsa os avances para o tráfico aéreo da vindeira década

Do mesmo xeito que os controladores aéreos ordenan o tráfico de avións, nos próximos anos os ceos tamén necesitarán sistemas para vixiar a actividade dos vehículos non tripulados, cun peso cada vez maior no espazo aéreo debido á súa proliferación. Os chamados drons permitirán transportar mercadorías, persoas ou realizar tarefas de vixilancia con maior facilidade a medida que pase o tempo, polo que os marcos regulatorios e as ferramentas de control do tráfico xa se preparan para un novo escenario que está por chegar.

Dez mil millóns dos fondos europeos para a automoción

Fabricantes, concesionarios e sindicatos pediron que o Goberno demore a aplicación do novo protocolo de emisións WLTP, que suporá a subida do novo imposto de matriculación que entrará en vigor o vindeiro 1 de xaneiro, incrementando o prezo dos vehículos. Con todo, a ministra de Industria, Reyes Maroto, alegou que a súa aplicación «non depende do Goberno».

O Instituto Tecnolóxico de Galicia liderará a transición cara a unha enerxía sostible en España

Un dos poucos aspectos positivos que deixará a pandemia é unha oportunidade histórica para crear unha sociedade dixital e sustentable. As axudas europeas para combater a crise económica ascenden a 140.000 millóns de euros. O plan de reconstrución obriga aos países a destinar un 33 % á dixitalización e outro tanto á transición enerxética. Así, España pode retomar o camiño que emprendeu hai unha década e que lle permitiu converterse nun referente mundial en enerxías renovables. Esta vez parece que non haberá tantos obstáculos para chegar até o final.

Bota a andar o primeiro clúster galego de solucións ambientais

Ser un referente no desenvolvemento e implantación de tecnoloxías, procesos e solucións ambientais, a nivel local, nacional e internacional. Con ese obxectivo nace Viratec, o clúster galego de solucións ambientais e economía circular.

Anticiparse ao virus e prever as súas secuelas

Científicos galegos da Fundación Biomédica Galicia Sur, da Fundación Instituto de Investigación Sanitaria de Santiago de Compostela e da Fundación Profesor Novoa Santos impulsarán, entre 2020 e 2021, unha decena de proxectos de investigación vinculados á covid-19, cos que pretenden “anticiparse” ao virus, “coñecer” a súa estrutura, e prever as súas secuelas, entre outros obxectivos. Trátase de iniciativas que foron seleccionadas no programa de axudas da Xunta Traslaciona covid-19, e que recibirán subvencións que suman medio millón de euros.

Chuac e UDC traballan nun kit para diagnosticar a covid a través do móbil

Se a súa idea chega a porto, o ano que vén esperan ter un prototipo de kit que non só podería revolucionar a detección da covid-19 e corrixir o actual infradiagnóstico, senón que permitiría ter unha visión clara e fidedigna de como está a pandemia na comunidade e, por tanto, mellorar o control dun virus co que -cada vez parece máis seguro- haberá que convivir longo tempo. E todo a través do móbil.

Galicia terá un centro para fabricar a terapia máis avanzada para o cancro

A revolución do tratamento do cancro chámase CAR-T e Galicia meteuse de cheo na carreira por desenvolvela. A Consellería de Sanidade ten previsto crear o próximo ano un centro en Santiago. Farao a través da empresa pública Galaria, que planea investir tres millóns de euros, segundo consta nos orzamentos desta sociedade para 2021.

Páxinas