Chuac e UDC traballan nun kit para diagnosticar a covid a través do móbil

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento

Se a súa idea chega a porto, o ano que vén esperan ter un prototipo de kit que non só podería revolucionar a detección da covid-19 e corrixir o actual infradiagnóstico, senón que permitiría ter unha visión clara e fidedigna de como está a pandemia na comunidade e, por tanto, mellorar o control dun virus co que -cada vez parece máis seguro- haberá que convivir longo tempo. E todo a través do móbil.

Parece sinxelo, pero o proxecto do Inibic que dirixen os investigadores Mar Tomás Carmona, microbióloga do Chuac, e Marcos Ortega, profesor da UDC e membro do Citic, baséase na aplicación de intelixencia artificial, técnicas de computación avanzada e edición xenética. De modo xeral, trataríase de contar cunha ferramenta diagnóstica asociada ao móbil e conectada a unha base de saúde pública. Aínda que nun principio iniciaranse as probas con mostras nasofarínxeas, o grupo aspira a que sexa viable tamén coa saliva. Coa técnica de edición xenética CRiSPR, incorporarían ao kit unha tira reactiva que reaccionaría á presenza do virus emitindo unha luz ou cambiando de cor.

«Realizas a proba e, a través dunha aplicación que detecta no propio móbil a cantidade de luz que emite o virus, diche non só se esa persoa é positivo en covid, senón se está en fase de contaxiar ou non e permite así poder tomar de inmediato decisións de confinamento», explica Mar Tomás. «O importante é que sería unha proba microbiolóxica cuantitativa e rápida, con capacidade de detectar, en minutos, aos presintomáticos en período de incubación, ao sintomático e mesmo á persoa en período de posinfección: sería a proba máis exacta que podería haber no mercado», recalca.

Para institucións sanitarias

«A través do móbil adquires esa imaxe, e para evitar alteracións de luminosidade externa, incorporarase como unha caixa accesorio para o móbil. Conectaríase por bluetooth e logo a app xa analizaría en que período estás», reseña Ortega. Ambos ven clara a súa aplicación en institucións sanitarias, desde logo en urxencias e mesmo en atención primaria, pero as súas posibilidades son múltiples e podería, por exemplo, ser moi útil á hora de decidir peches ou suspensións de actividade.

«Imaxínache -propón o informático- poder saber en minutos se os 180 pasaxeiros dun voo son ou non transmisores da enfermidade». «Podería ser viable para outras infeccións», engade Tomás, que incide ademais na importancia do custo: o seu proxecto baséase nunha técnica molecular «barata», recalca, máis cara que o test de antíxenos, pero de moito menor prezo que as PCR, «e moito máis áxil», ademais de permitir seguimentos con fiabilidade, facilitar o traballo dos rastrexadores e estratificar o control da pandemia por zonas. «O obxectivo final -conclúe Mar Tomás- é habilitar a vida normal aínda en presenza do virus na sociedade».

Fonte: La Voz de Galicia