Tecnópole

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento
  • A Tecnópole cumpre 30 anos con máis de 100 empresas punteiras en 15 sectores

    1.500 profesionais, dos que 1.300 contan con titulacións medias ou superiores. Máis dun centenar de empresas punteiras en 15 ámbitos de actividade empresarial como enerxía, biotecnoloxía, electrónica, tecnoloxías da información, téxtil ou medicina, entre outros. Cinco centros tecnolóxicos de investigación e un futuro no que hai dous proxectos clave: o Centro de Ciberseguridade da Xunta de Galicia e o proxecto piloto de eficiencia enerxética que o goberno galego pretende pór en marcha para que o parque sexa autosuficiente.

  • O vicepresidente da Xunta prevé que o Centro de Ciberseguridade de Galicia da Tecnópole estea construído en 2025

    O vicepresidente primeiro e conselleiro de Economía, Industria e Innovación, Francisco Conde, participou nun Café de Redacción de La Región. En relación a Tecnópole, referiuse á creación do Centro de Excelencia en Ciberseguridade de Galicia. “A previsión é que a construción estea rematada a finais de 2025”, afirmou.

  • As comunidades enerxéticas e o autoconsumo, opcións do Inega ás empresas para pagar menos luz

    Cos prezos da enerxía disparados e sen visos de que a situación mellore, moitas empresas comezaron a buscar alternativas máis alcanzables ao seu peto para seguir acendendo a luz, sen verse abocadas a pechar as portas ao non poder facer fronte aos custos. Conscientes desta situación, Galicia Foro Empresarial celebrou un encontro no que participou Juan Ignacio Rodríguez, director técnico do Inega que, ademais de explicar as diferentes axudas que ofrece a Administración, tamén deu a coñecer alternativas para a transición enerxética que poden ir aplicando as empresas de cara ao futuro.

  • Aerocamaras volve recibir o indicador Ardán Empresa Gacela 2022 da Zona Franca

    Por segundo ano consecutivo, Aerocamaras obtivo o indicador Ardán Empresa Gacela 2022. Este recoñecemento é outorgado polo Consorcio da Zona Franca de Vigo desde 1995, a través dos estudos realizados polo Servizo de Información Empresarial Ardán. Estes indicadores teñen por obxectivo pór en valor a excelencia empresarial de compañías galegas que demostran competencias diferenciais na xeración de vantaxes competitivas e en base a iso son referentes na economía de Galicia.

  • Galicia aspira a converterse nun referente en construción en madeira

    «A madeira é un material renovable, reciclable e que, ademais, provén de fontes naturais», afirma Azahara Soilán, técnica da Axencia Galega ds Industria Forestal (XERA) e CIS-Madeira. Pero tamén ten «propiedades mecánicas», engade, o que a converteu no material chamado a revolucionar o sector da construción. Porque contribúe á súa modernización e, sobre todo, a que sexa máis sustentable. Galicia, comunidade na que boa parte do territorio é forestal, aspira a converterse nun referente neste cambio que está a experimentar a construción.

  • A empresa Primux, situada en Tecnópole, fabricará ordenadores enfocados na intelixencia artificial, a realidade virtual e o gaming de competición

    Primux é unha empresa galega dedicada ao desenvolvemento de tecnoloxía accesible, con máis de quince anos de traxectoria na fabricación de ordenadores, portátiles, tablets, smartphones, cámaras e accesorios informáticos diversos. Con sede no Parque Tecnolóxico de Galicia -Tecnópole-, acaba de lanzar ao mercado os seus novos ordenadores gaming Lynx e Draco. Reforza así a súa aposta por ámbitos cunha importancia crecente na actualidade: a intelixencia artificial, a realidade virtual e o gaming de competición.

  • Cando o auxilio chega polos aires: drons con tecnoloxía española que rescatan persoas e desactivan explosivos (Aerocamaras)

    A empresa galega Aerocamaras, especializada no desenvolvemento de vehículos non tripulados e solucións tecnolóxicas para estes equipos, desenvolveu unha serie de innovacións pioneiras en Europa para o uso de drons en tarefas de rescate e seguridade. Trátase de tecnoloxías e desenvolvementos 100% made in Spain que se poden aplicar a servizos profesionais como loxística, inspeccións técnicas, emerxencias, seguridade, topografía, agricultura de precisión ou mesmo ao mundo audiovisual.

  • Tecnópole acolle unha nova empresa, Sigamos, dedicada a ofrecer solucións personalizadas no eido da sostibilidade empresarial

    O Parque Tecnolóxico da Galicia acolle unha nova empresa dedicada a ofrecer solucións no eido da sostibilidade empresarial. Trátase de Sigamos Consultoría, que centra a súa actividade na “estimulación de accións e actitudes empresariais cara a unha contorna sostible, a prol do futuro da sociedade”. Así o explica a súa fundadora, Laura Magalhães de Andrade.

  • Arranca en Tecnópole a 5ª edición do proxecto “Ciencia e Tecnoloxía en feminino”, que busca potenciar os estudos científicos entre as rapazas de Secundaria

    O Parque Tecnolóxico de Galicia participa no proxecto “Ciencia e Tecnoloxía en feminino”, promovido pola Asociación de Parques Científicos e Tecnolóxicos de España -APTE-. O obxectivo desta iniciativa é lograr que aumente a porcentaxe de alumnas que elixen a especialidade de Ciencias ou Tecnoloxía en Educación Secundaria e opten posteriormente por carreiras de Ciencia, Tecnoloxía, Enxeñería ou Matemáticas; debido á súa baixa participación nestas materiais.

  • Councilbox, administración dixital e presencial garantindo a seguridade xurídica (Galicia Avanza)

    Councilbox é unha empresa de tecnoloxía legal que desenvolveu unha plataforma na nube que é unha terceira canle de relación entre a cidadanía e a administración: até agora podíase elixir entre a presencialidade (cos consecuentes desprazamentos e desigualdades territoriais) e os trámites a través da sede electrónica (que require ter coñecementos sobre o trámite e as competencias dixitais necesarias). Councilbox baséase no concepto de presenza dixital: facer un trámite presencialmente, pero a distancia.

Páxinas