Newsletter

Buscar

Susbcrición Newsletter

Introducir e-mail

Arquivo mensual

Vindeiros eventos

Non hai eventos polo momento

A Axencia Galega de Emerxencias colabora con Tecnópole na realización dun vídeo didáctico para a Aula Newton

A Aula Newton Galicia xa desenvolveu un curso completo con grande éxito entre alumnado de 3º e 4º da ESO de toda a comunidade. Impulsada conxuntamente pola multinacional Boeing, a organización sen ánimo de lucro FIRST Scandinavia, a Xunta de Galicia e Tecnópole, arrincaba a finais de outubro de 2021 coa experiencia “Voamos con números: unha aventura aérea”, iniciando ao alumnado no mundo da aviación a través dos coñecementos matemáticos.

Ingeo promove un curso de mergullo, con condicións especiais para as empresas e traballadores do Parque

A empresa Ingeo, situada en Tecnópole, promove un curso de iniciación ao mergullo autónomo recreativo, que se celebrará do 28 de xuño ao 3 de xullo, con condicións especiais para as empresas do Parque. Consta de parte teórica, práctica e exame final. A parte teórica centrarase na física e fisioloxía do mergullo, a vida acuática, o equipo de mergullo, a contorna e a planificación de inmersións. A práctica divídese en dúas partes: augas confinadas e augas abertas.

Aerocamaras esquiva a pandemia

Aerocamaras constituíuse en Lalín hai 15 anos, nun primeiro momento como produtora audiovisual, e desde o ano 2012 revolucionando o mercado para cubrir as solicitudes de demanda de servizos con drons que chegaban dunha ampla variedade de industrias e compañías.

BiG Formación, referentes en consultoría e formación desde Tecnópole

En BiG Formación, situada no Parque Tecnolóxico de Galicia, traballan no ámbito da formación profesional para o emprego en catro sectores estratéxicos: a sanidade, a atención sociosanitaria, o fitness e o TIC. Na actualidade contan cunha rede de 34 centros a nivel estatal e máis de 300 especialidades formativas acreditadas. No eido da formación profesional dispoñen de dous centros con sete homologacións na área da sanidade.

Novo impulso á innovación das pemes e microempresas galegas

Xa están en marcha as novas convocatorias dos programas InnovaPeme e DeseñaPeme, coas que a Xunta de Galicia prevé apoiar ao redor de 90 pemes e microempresas no obxectivo de introducir as vantaxes da innovación en procesos, organización, produtos e servizos. Investiranse 4,3 millóns de euros que permitirán mobilizar 8,6 en sectores tan importantes como as industrias auxiliares conserveiras, as TIC ou o mundo automobilístico, entre moitos outros.

As sete urbes galegas contarán con centros de ciberseguridade

As sete cidades galegas contarán con centros de ciberseguridade a través dun plan de dixitalización financiado polo Goberno, que distribuirá máis de 3,6 millóns de euros entre as urbes. As subvencións están ligadas ao Mecanismo de Recuperación e Resiliencia e forman parte dos 89,4 millóns que o Goberno repartirá entre 145 Administracións locais de toda España.

O Bono Enerxía Peme volve impulsar o aforro e a eficiencia entre pemes e autónomos

Pequenas empresas e autónomos de Galicia poden mellorar o aforro e a eficiencia enerxética dos seus negocios grazas á posta en marcha do programa Bono Enerxía Peme. Estas axudas, impulsadas o pasado ano para reactivar a economía a raíz da situación xerada pola crise sanitaria da Covid, volven convocarse dentro do Plan de choque da Xunta de Galicia. O obxectivo é facer fronte á actual carestía dos productos enerxéticos e a situación de inflación.

O ‘big data’ está que arde

A dixitalización impactou de pleno no ámbito empresarial, que loita por adaptarse ás novas esixencias do mercado e compite por contratar aos profesionais máis cualificados. Máis que nunca, as empresas buscan a desenvolvedores, programadores, arquitectos de ciberseguridade e enxeñeiros de intelixencia artificial para incorporar aos seus cadros de persoal. Tamén a analistas de big data, unha das xoias no ecosistema dixital. Pero non sempre é doado dar con eles, xa que faltan traballadores especializados neste ámbito tecnolóxico.

Un labirinto burocrático de ata oito meses para acceder aos fondos europeos

Papeis, trámites, prazos, custos... Acceder aos fondos europeos converteuse para as empresas nun quebradizo de cabeza, nun proceso falto de transparencia que pode rematar facendo perder a España o tren da transformación económica. A folla de ruta trazada polo Goberno está chea de complicacións, dunha burocracia asfixiante que pode alongar o proceso de concesión de axudas até oito meses.

A infravaloración propia lastra que as mulleres entren en graos tecnolóxicos

Hai anos que, afortunadamente, a presenza da muller na universidade se normalizou. Hoxe son máis elas que eles nos estudos de grao en España. Con todo, hai carreiras que parecen seguir vetadas para as mulleres. En especial, as que se relacionan coas disciplinas STEM (acrónimo que inclúe ciencia, tecnoloxía, enxeñaría e tamén matemáticas). As cifras así o mostran. No ámbito da educación, elas teñen moita presenza (77,9% por 22,1% os mozos), segundo datos do Ministerio de Universidades.

Gañadores de Galiciencia 2022

O pimeiro premio da 17ª edición de Galiciencia, celebrada baixo o lema da “Economía Circular”, recaeu no proxecto “Pondal nature, cosmética natural” de Carla García Pedrosa e Noa Caride, do CPR Eduardo Pondal de Cangas. As rapazas investigaron e levaron a cabo distintas receitas de uso tradicional para facer produtos de coidado persoal, a base de ingredientes naturais asequibles e respectuosos co medio, en particular plantas comúns que eles mesmo cultivan.

Éxito de participación dos centros educativos galegos nas actividades da Aula Newton

Os centros de educación Secundaria de Galicia amosaron un elevado interese por participar nas actividades da Aula Newton, situada no Parque Tecnolóxico de Galicia, o que propiciou que as 18 sesións previstas ata o mes de xuño se esgotasen en apenas 4 horas.

A Aula Newton Galicia, promovida conxuntamente pola Xunta de Galicia, Boeing, a organización sen ánimo de lucro First Scandinavia e Tecnópole, foi inaugurada o 19 de outubro de 2021 e no seu primeiro trimestre de actividade case 300 alumnos e alumnas gozaron desta experiencia de aprendizaxe.

Páxinas